*𝐏𝐚 𝐀𝐧𝐛𝐚𝐬𝐚𝐝è 𝐒𝐭𝐚𝐧𝐥𝐞𝐲 𝐋𝐮𝐜𝐚𝐬*
Yon kowalisyon kriminèl ki gen ladanl oligak, ansyen prezidan, lidè politik, ansyen palmantè, Jij, atoufè, dwazimen, jounalis, pastè legliz, blan globalis kowonpi ak kèk lòt etranje patisipe nan touye Prezidan Jovenel Moïse e tire Premyè Dam Martine Moïse 7 Jiyè 2021 atravè yon operasyon ki rélé Bolivi.
Plan operasyon Bolivi pou touye Prezidan Jovenel Moïse, touye Premyè Dam Martine Moïse ansanm ak pitit prezidan an te gen plizyè pati ladanl.
1- Pwopagand manti pou sal karaktè prezidan an ak fanmi li pou kreye kondisyon pou touyel
2- Vyolans peyi lòk
3- Te gen 6 senaryo pou touye prezidan an ak fanmi li
4- Pwopagand manti pou sal kadav prezidan an ak karaktè fanmi li
5- Pran kontwòl pouvwa egzekitif ak pouvwa jidisyè
6- Chache bouk emisè pou kriminèl yo pa pran kòd
Nan tèt yo pwopagand manti yo te fè sou radyo pandan 3 lane pou sal karaktè chèf leta a ak madanm li te dwe fè pèp la pran lari epi bat bravo dèske yo touye prezidan an. Kriminèl yo te byen konte men yo te mal kalkile paske 7 Jiyè pèp la pran lari vre men se te pou mare solda mèsenè asasen kolonbi yo ki touye prezidan an e tire premyè dam nan. Jou sa, kriminèl yo ki te gen plan rantré nan palè nasyonal al pran pouvwa fas a reyaksyon pèp la panike e rantre nan mawon.
Youn nan atoufè ki te nan mawon se te Félix Badio Joseph. Se li ki te sipoze desann nan palè nasyonal ak El Diamante ki se jij koupyon kasasyon Wendelle Coq. Li te an kontak tou avèk Ariel Henry pandan li te kay prezidan an 7 Jiyè nan maten.
Lè Ariel Henry resi mete tèt li deyò e pran pouvwa grace a madan Helen Lalime, li fè yon interview nan radyo Scoops FM kote li esaye pwoteje Badio ki te nan mawon. Pouw tande interview sa tape la 
: https://youtu.be/hNpg2IR7ovQ?si=ci4kXz6j5OBf15cW
Ariel pral lage Radio pi devan e komanse lonje dwèt sou li kòm moun ki enplike nan krim nan. Pandan li te nan kaché an 2022 li voye bay laprès an Ayiti yon odyo ki te fè anpil aktyalite. Nan odyo sa Badio di li pran gwo responsabilite pou Ariel Henry ki sòti pou sakrifye. Li menase Ariel Henry. Nan pawòl kode Badio pral voye mesaj tou nan yon odyo pou di Ariel degajel jwen jij pal. Pou tande odyo sa tape la :
Se lè sa Ariel Henry pral nonmen 6 moun pal nan konsèy siperyè pouvwa jidisyè (CSPJ) e 8 jij ki moun pal tou nan kou kasasyon. Depi lè sa lajistis nan men kriminèl yo. Se pousa Badio ki wè sistèm jidisyè a nan men yo pral rann tèt li bay lajistis pansan yo pral fè montaj pou li lagel byen vit.
Yon pati nan kowalisyon kriminèl ki touye Prezidan Jovenel Moïse e tiré Premyè Dam Martine Moïse pral gen pwòp ajanda pa yo pou kenbe pouvwa a nèt. Pierre Espérance nan rapò ak interview nan radyo deplimen Félix Badio Joseph.
Jij koupyon Pierre Denis Cyprien ki te sou kontwòl Samuel Madistin ak André Michel kontinye kloure klou a atravè rapò ankèt sou asasina prezidan an ke 2 atoufè sa yo ekri pou jij la.
Kontradiksyon ant kriminèl yo pral mete anpil koze nan lari. Nan kou dapèl pòtoprens Badio pral eklate lè li wè konplis li yo deside sakrifyel. Badio pral move nèt se lè Claude Jean komisè gouvènman devan kou dapèl pòtoprens tap reyaji tankou yon defansè Esperance olye li aji tankou yon pwokirè kap chache laverite. Pou ou tande echanj sa tape la : https://youtu.be/t_TYqRmd1_g?si=A6Rdp0mtMVDlLQoW
Nan echanj sa peyi dAyiti dekouvri yon lòt Badio ki tèlman santi li chèf ke li awogan ak 3 jij kou dapèl yo ki se Pierre Denis Cyprien, Emmanuel Lacroix, Fremont Damesi. Se pa 2 frekan li fè. Pou plis detay tape la ; https://youtu.be/EKjiQ-9i-iU?si=OZpQvB5vPMnOrA2-
Nan kou dapèl Badio pral mande konfwontasyon ak Pierre Espérance. Jij la pap okipel. Tandé la : https://youtu.be/t_TYqRmd1_g?si=8DsDEhSYcgK5lGFC
Pierre Espérance limenm reponn li pa prale nan konfrontaston ak yon enkilpe tankou Badio. Li di se mare pou yo ta mare li poul ta fè sa. Pou tande tape la : https://youtu.be/nXnuimietNs?si=AwTc6DEZHY4J2miB
Antretan dezyèm mitan pwosè asasina Prezidan Jovenel Moïse e tantativ asasina sou Premyè Dam Martine Moïse nan tribinal federal Miami lage anpil revelasyon atravè bouch John Joel Joseph ki pral lese konprann ke Badio tap jwe plizyè jwèt. Li te nan koudeta ak Ariel Henry. Li te nan koudeta ak Madan Wendelle Coq Thélot e li tap jwe jwèt pal tou. Dezyèm pati pwosè sa nan tribinal federal Miami fini le 7 Me 2026 kotel jiri a jwen Intriago, Veintemilla, Solages elatrye koupab.
Le 15 Me 2026 lòbèy pral pete an Ayiti. Pèp la pral dekouvri ti kanè kote Prezidan Jovenel Moïse te konn ekri tout bagay nan men Pierre Espérance. Nan repons li bay sou ki kote li jwen kanè a Pierre Espérance bay manti plizyè fwa. Aprè yon manda konparisyon ki swivi de yon manda damene ki pa egzekite Jij Pierre Denis Cyprien bay yon komisyon rogatwa pou al chache kanè prezidan an. Sa pa janm egzekite. Fanmi Espérance Patrick Pelissier ak Camille Leblanc, ki se aktyèl e ansyen minis jistis sabote komisyon rogatwa sa. Aprè sa rive Esperance fè dyòlè se li ki fè revoke direktè DCPJ Majistin kel te bay defi vinn lakay li. Pou plis detay tape la :https://youtu.be/MxEWyt02qPc?si=c4livqb7WI-PEwrN
Se nan kontèks sa 20 Septanm 2026 Badio ak 18 solda mèsenè asasen kolonbi kolonbi yo ekstrade Etazini. Anvan li ale li lage yon odyo sou Pierre Espérance e sou Axène Joseph direktè kabinè premye minis defakto Alix Didier Fils-Aimé ke li di ki enplike nan asasina Prezidan Jovenel Moïse. Li di yo bay Axène jòb la la kòm rekonpans
Pou tande tape la : https://youtu.be/6hA2JgF4w5g?si=_1BkNdPMo3tj61JH
Sanble nan twazyèm mitan an gen 33 nouvo moun ki pral jije nan tribinal federal Miami.
Jij Pierre Denis Cyprien limenm chache fè wont tounen kòlè. Kominike minis jistis la di klèman dosye asasina Prezidan Jovenel Moïse e tantativ asasina sou Premyè Dam Martine Moïse tap jere sou infliyans. Konsèye prensipal Cyprien se Samuel Madistin avoka oligak kriminèl Réginald Boulos. Li tap telegide jij Cyprien. Yo te menm voye kèk abolocho nan laprès al prepare
teren opinyon piblik la pou yo nan kad montaj a yo tap pare. Ekstradisyon bayo gwo kou.